Apirilaren 24an, asteazkena, LHko 3. eta 4. mailako ikasle eta irakasleek oso bisita berezia izan dugu "Denok berdinak, denok ezberdinak" programaren barruan. Ana Dávila, Eibarko ONCEko zuzendaria, eta Elena eta Blas, teknikari dinamizatzaileak, gure eskolara hurbildu dira. Jarduera oso interesgarria izan da, enpatia, autonomia pertsonala, elkartasuna eta ahalegina bezalako balio garrantzitsuak landu ditugulako.
Lehenik, bideo bat ikusi dugu, "El color de las flores", non Diegok, haur itsu batek, inoiz ikusi ez duen zerbait azaltzeko erronkari aurre egin behar dion. Jarraian, jolas eta ipuin egokitu batzuk erakutsi dizkigute eta eguneroko bizitzan laguntzen dieten estrategia batzuk azaldu dizkigu. Kolorea identifikatzen laguntzen duten usaindun errotuladoreak ezagutzeko aukera ere izan dugu. Geroago, egiten dituzten kirolei buruz hitz egin digute, eta gimnasioan, baloiak kaskabiloekin ezagutzeko eta goalballean jokatzeko aukera izan dugu.
Eskerrik asko Ana, Elena eta Blas! Gauza asko ikasi ditugu!
Argazki bildumak
