Inguruaren Ezagueraren gaia amaitu ondoren, zenbat ikasi dugun jakiteko eta albistearen izenburuak dioen bezala, bigarren mailako ikasleek... Gure lehen murala sortu dugu!
Erraza izan dela esaten badugu, gezurra esango genuke, noski... ados jartzea ez da beti erraza izaten, eta are gehiago taldean lan egiten denean eta denok hainbeste ideia ditugunean.
Gaia argi geneukan: "Nola antolatzen da biztanleria?"
Hasteko, bakoitzak gaiaz gogoratzen zuena bateratu genuen. Gero, andereñoaren laguntzarekin, informazioa nola antolatuko genuen pentsatu genuen, zer den garrantzitsuena.
Taldean informazioa bilatu genuen liburuan, koadernotxoan...
Eta ahalegin eta ilusio handiko hainbat egunen ondoren, gure murala amaituta daukagu.
Oso harro gaude egin dugun lanaz.
Taldean dena da hobea!
